Словы падзякі за добрыя справы Жабароўскаму Ігару Вячаслававічу
Словы падзякі за добрыя справы
Калектыў Дзяржаўнай установы адукацыі “Ліплянская сярэдняя школа” выказвае шчырыя словы падзякі Жабароўскаму Ігару Вячаслававічу – кіраўніку вучэбнага цэнтра “Інфаўрок”, які не забыў, што ёсць у Беларусі, на родным Палессі, куточак маленькай Радзімы, і ў бягучым годзе аказаў установе адукацыі значную спонсарскую дапамогу. Гэта сапраўдны падарунак для нашай сельскай школы.
Нельга перадаць, колькі радасці і хвалявання было ў дзяцей, калі ў школу завезлі сучасныя персанальныя кампьютары, тэлевізары, праектар, швейныя машыны, інтэрактыўную дошку, жалюзі, прынтар, школьную мэблю.
Набытыя тэхнічныя сродкі сталі сапраўднай знаходкай для школы і далі магчымасць на высокім узроўні ажыццяўляць вучэбны і выхаваўчы працэс. А новая мэбля, жалюзі прыдалі памяшканням сучасны эстэтычны выгляд.
Шчырыя словы падзякі адрасуем і матулі Ігара Вячаслававіча, Лось (Танчынскай) Таццяне Іванаўне, выпускніцы Ліплянскай васьмігадовай школы, якая выдатна вучылася і не забыла сцяжынку да яе і цяпер, шануе бацькоўскую хату, сваю вёску і змагла выхаваць у свайго сына любоў да Радзімы, павагу да землякоў, шчырасць да дзяцей. Ігар Вячаслававіч некалькі гадоў свайго дзяцінства пражыў у Ліплянах, але менавіта гэтае месца лічыць сваёй малой радзімай: “Ліпляны - гэта адзінае роднае месца на зямлі. Ліпляны - гэта для мяне тая адзіная маленькая радзіма, дзе свет успрымаецца зусім па-іншаму”.
Мы верым, што добрыя справы не знікнуць, яны заўсёды застануцца ў памяці, знойдуць водгук у сэрцах людзей. Можа не адразу, праз час, але нельга забыць дабро, зробленае дзецям, сваім аднавяскоўцам, сваёй малой Радзіме.
Калектыў педагогаў, дзеці, бацькі разам з дырэктарам Калеснік Н. І. шчыра жадаюць здароўя, шчасця і міру Ігару Вячаслававічу Жабароўскаму і ўсім, хто праявіў ініцыятыву, прымаў удзел у арганізацыі, падрыхтоўцы і забеспячэнні спонсарскай дапамогі.
Калектыў Ліплянская сярэдняй школы
